అడవిలో అందాలు ...

చుట్టూ  కొండలే  సాయంత్రం  అయ్యే సరికి  అవికాస్తా  తగలబడుతూ  ఉండేవి . కొండల  మీద  ఉన్న చెట్లు అంటుకు
పోయి  అంతా  మంటలే  ఎటు చూసినా  గాలికి ఎగసి పడుతూ  మంటలే ..... మనం  వచ్చిన దారైనా  వుందా తిరిగి
వెళ్లి పోవడానికి ? ఇక్కడి నించి ఎప్పుడు  వెళ్లి పోతాము  అని  భయంగా వుండేది . నా చిన్న తనం లో అడవిలో
కాపురం , నాన్నగారి ఉద్యోగ రీత్యా  అడవిలో వుండే  వాళ్ళం . ఇంటి  చుట్టూ మొక్కలే , గడ్డే ,చెట్లే  చుట్టూ పచ్చని
అందాలే  , ఐతే  ఇవన్నీ వుంటే పాములు  రావా ! అంటే  వస్తాయి  అందుకే ,నెమళ్ళు  పెంచే  వాళ్ళం . వాటిఅరుపు
లకి  ,పాములు చుట్టు  పక్కలకి రావు ,నెమళ్ళ  ముక్కులు వాడిగా  వుంటాయి ,వాటితో  కళ్ళు పొడిచేస్తాయని
వాటి భయం . అందుకే రావు .  కాలక్షేపాని కి  కుందేళ్ళు  పెంచే వాళ్ళం , వాటి కళ్ళు  భలే మెరుస్తూ ,గుండ్రం గా
వుంటాయి . పావురాళ్ళ కోసం , కుందేళ్ళ  కోసం తాయారు చేసే  వాటి ఇల్లు [గూళ్ళు ] చాల  బాగుంటాయి .

కుందేళ్ళ ను  పట్టు  కోవడం  చాల  కష్టమట , నిమిషాల్లో పొదల్లోకి  వెళ్లి పోతాయి . కానీ  వాటికీ స్వాభి మానం
ఎక్కువట ,ఎవరన్నా అవి వెళ్లి న పోదాచుట్టు  గీత గీస్తే ,అవి ఆ గీత దాట వట ,అంతే  కాదు ,వర్షం  నీరు ,మంచు
బిందువులు ,ఆకుల మీద వున్నవే తప్పా , ఎవరు పోసిన  నీరు  తాగవు . ఈబల హీనత  ఆధారంగా ,వేటగాళ్ళు
పొద చుట్టూ  గీత  గీసి  వాటిని పట్టేసు  కుంటారు . ఇక  అత్తి పత్తి  [టచ్  మీ  నాట్ ] మొక్కలు ముట్టుకుంటే
ముడుచు కుంటూ ,ఎంతసేపు  ఆడుకున్నా  విసుగు రాదు . ఎర్రని  మెత్తని  ముఖ్ మల్  బట్టలాంటి  మృదువైన
ఆరుద్ర పురుగులు ,అవి మెల్లగా  నడుస్తూ  అలికిడికి  ముడుచుకు పోతాయి . అప్పుడవి  ఎర్రని పగడా ల్లా
వుంటాయి . పేరు కె  పురుగులు ,  వాటి అందం చుస్తే ఇంట్లో దాచి పెట్టు కోవాలని పిస్తుంది .

కాఫీ  తోటలు  ఉండేవి  దగ్గరలో , వాటి తో కలిపి  కో కో  పంట కూడా ,కో  కో  కాయలు తింటుంటే ,తియ్యని వగరు
రుచి ,బావుంటాయి . వెదురు మొక్కలు , వాటిని నమ్ముకుని  పాకే  తమల పాకు  తీగెలు ,మిరియం ,ఎంత
సేపు తిరిగి నా ,విసుగు రాని  వైనం .  కాఫీ  తోట లోకి  పులి వస్తుందని చెప్తారు . రాత్రి ఐతే  నక్కల అరుపులు
ఇంకా ఏవో పేరు తెలీని  జంతువుల అరుపుల తో , భయంగా వుండేది . తెల్లవారిండా  చక్కని ఉషోదయం ,
నిలువెత్తు  చెట్లని చీల్చు కుని  వచ్చే వెలుగు రేఖలు , రాత్రి కానీ వర్షం పడితే  మొక్కలు చెట్లు  అన్నీ కడుక్కు
పోయి పచ్చగా మెరిసి పోతూ  అద్బుత మైన అడవి , సమత్సరా నికి  ఒక సారి అన్నా  వెళ్లి మూడు రోజులు
వుంటే చాలు ,ఏడాదికి  సరిపడా  ఉత్సాహం తో రావచ్చు . కోతులు ఉండేవి  కాని వాటి తో ఇబ్బంది లేదు .
పులి  వస్తే ముందు  వాటికే తెలుస్తుంది ,పులినించి  వచ్చే  చెడ్డ  వాసన రెండు మైళ్ళు  వస్తుందట  ఆ
వాసనకి  కోతులు  పారి పోతాయని చెప్తారు  అదే సూచన , ఒకసారి పోన్  వైర్లు  బాగు చేస్తూ  పోల్  మీద
వున్న వ్యక్తీ  కింద వున్న పులిని చూసి ,బెదరి  పోల్ మీదనే  వుంది పోయాడు . ఫోన్ చేసి  ఎవరికైనా
చేబ్దామన్నా , భయం తో  పోన్ జారి పోయింది . పులి మాటు వేసి కూర్చుంది . తెల్ల వారే వరకు అలాగే
నరకం  చూసాడు . వెలుగు వచ్చాక పులి వెళ్లి పోయింది . అప్పుడు పోల్ దిగి లారి పట్టుకుని ఊర్లోకి వచ్చాడు .

పారే సెలయేళ్ళు ,నీళ్ళు తాగడానికి  వచ్చే జింకలు , యేరు  దగ్గరకి  స్నానానికి  వెళ్ళే వాళ్ళం అదీ ఎవరన్నా
చుట్టాలు  వచ్చినపుడే , కాని చాల జాగ్రత్తగా  వుండాలి . పైన కొండల్లో ఎక్కడ వర్షం కురిసినా ఒక్కసారిగా
వాగులు పొంగి  ఉవ్వెత్తున  నీరు పెద్ద శబ్దం తో వచ్చి పడుతుంది . అడవిలో మంచి నీళ్ళు  ఎలాగో తెలుసా
యేటి వడ్డున తడి ఇసుకలో ,చేతులతో తవ్వి  కొంత సేపు వేచి చూడాలి . అప్పుడు కొంత నీరు వూరు తుంది .
చిన్న గిన్నె తీసుకుని ,ఆనీరు  తీసి బిందె కు పలుచని వస్త్రం  కట్టి  అందులో వేసు కోవాలి . ఆనీటిని కాచి
చల్లార్చి  తాగాలి . వాడు కోవడానికి తెచ్చే  నీరు కూడా యేటి లోనిదే , కావిడి కట్టుకుని  తెస్తారు . వర్షా
కాలం బురద మాయం గా  ఎర్రని  నీరు వచ్చేది . ఎలా వాడతాం ,అందుకే పెద్ద కడవలలో  నీరు  నింపి
అందులో ''పటిక ''దంచి వేస్తే ,కొంత సమయానికి  నీరు పైకి ,మురికి కిందకి  అవుతుంది . అప్పుడు
ఉపయోగించు కోవాలి . ఇంట్లోనే  గార్డ్ ,వాచెర్స్  వుండే వారు ,ఏమి కావాలన్నా  వండి పెట్టేవారు . ఎక్కడికి వెళ్ళాలన్నా  జీప్ తెచ్చి తీసుకెళ్ళేవారు . నాన్న గారికి బుల్లెట్ వుండేది ,అడవి లో ఆ నిశ్శబ్దం  లో అయన
వస్తుంటే  రెండు మైళ్ళ  దూరం నించి ఆ శబ్దం  వినపడటం  మొదలయ్యేది . వెన్నెల రాత్రుల్లో తప్పకుండా
బయట  చెక్కలతో మంటవేసి ,చుట్టూ కూచునే వాళ్ళం ,ఒక గార్డ్  తందూరి  బాగా చేసేవాడు . అప్పుడు
నాకు తెలీదు అది తందూరి  అని . నాన్న అది చీల్చి  అందరికి  పెట్టే వారు .

ఇంకా  వుంది ......