యంత్రుడా ........

అలా  సరదాగా   బయటికి వెళ్లి నపుడు , గుడి లోనో ,మాల్ లోనో , సినిమా  హల్లోనో ,పసి పిల్లలని  ఎత్తుకున్న

తల్లి తండ్రులను  చుస్తే  భయమేస్తుంది . పిల్లల  పువ్వు లాంటి బుగ్గలిని  తడిమి నపుడో , వాళ్ళ గుప్పిటని చేత్తో 

పట్టుకున్నపుడో ,అన్పిస్తుంది  వీళ్ళ  భవిష్యత్  ఏమిటని ..... ముందు  పక్కింటి వాళ్ళను కూడా  వరస పెట్టి 

అత్తయ్య  గారానో ,వదిన  గారనొ పిలిచేవాళ్ళం . మరి ఇప్పుడో ,ఐన వాళ్ళను కుడా ఆదరించ లేని  బిజీ  లో 

వున్నాము . నా అన్నవాళ్లు కూడా  దూరమైన పరిస్తితి . ఎవరి నైనా  ఐదు వేలు అప్పు అడిగమంటే  అంతే 

ఆరోజు తో  ఆస్నేహమో ,చుట్టరికమో  అంతటి తో సరి . ఆస్తులు  పంచుకునే  చోట తోడ పుట్టిన వాళ్ళు  కూడా 

దూరం  అవ్వాల్సిందే . అపార్ట్ మెంట్స్  వచ్చాక పక్కవాళ్ళు  ఎవరో  కూడా మనకు తెలీదు . ఒక  కనుబొమ 

ఎత్తి  వింత జంతువును  చూస్తున్నట్లు  చూసుకుంటూ వెళ్లి పోతాము . మన తరానికే  ఇలా వుంది . మరి 

ముందు ముందు ? డాలర్లు ,రూపాయలు ,హ్యాండ్ రైడ్ పోన్ లు ,ట్యాబ్ లు , లాప్ టాప్ లు, గటేడ్ కమ్యునిటీ లు 

విల్లాలు ,లగ్జరీ కార్ లు ,ఇవి మన  సంభాషణ లోకి  రాకుండా  ఒక్కరోజు మొత్తం   మనం  మాట్లాడు కోగలమా , 

మనమే  సజీవ మైనవి  వదిలేసి ,నిర్జీవ మైన  యంత్రాలతో  మమేకం అవుతున్నాము . మరి రాబోయే తరాలు 

ఎంత ప్రమాదం లో వున్నాయో  చుడండి . ఖరీదైన  , పేరుమోసిన ,కాలేజ్  లో చదువు 'కొంటేనే ' చదువు . 

విమానం లో  వెళ్లి  విదేశాల్లో  డాలర్లు సంపాదిస్తేనే  మనిషి  ,ఇక్కడ  ఉన్న వాళ్ళంతా  వట్టి  చాతకాని  వాళ్ళు . 

రూపాయలు ఎందుకు పనికి వస్తాయి ?డాలర్లు అయితేనే  గౌరవం ? .

ఇంత చెప్తున్నానా ,లోపలెక్కడో  నాపిల్లలు  అమెరికాలో సెటిలైతే
బాగుండునని  వుంది . ఎంతైనా  నేనుకూడా ''  ఇండియన్ విమెన్  ''కదా ,  ఎం  కాదా .........