Total Pageviews

Thursday, September 24, 2015

నిమజ్జనం .

వినాయకుని  పండుగకు  వీధి వీధంతా  సందడే , కాలనీలైతే  గాణేషుని  పాటలతో పూజలతో ,మంత్రాలతో  ఎంతో
పవిత్రమైన వాతావ రణం  నెలకొంది . వీలుని బట్టి  మూడు రోజులకు ,లేదా ఐదు రోజులకు  నిమజ్జనాలు జరిగి
పోతున్నాయి . ఆరోజు  వుండే రద్దీ  తట్టుకోవడం  కష్టం కదా ,చాలావరకు  అపార్ట్ మెంట్ లో  ఉంచిన ,వీధుల్లో
ఉంచిన  గణేశు లన్నీ తరలి పోతున్నాయి . నిమజ్జనం  రోజు  టాంక్ బండ్  మీద రద్దీ  ,  ట్రాఫిక్  నిబధనలు
కారణం గా  ఆరోజు వెళ్ళలేక  మూడోరోజు  జరిగే చిన్న చిన్న  గాణేషుల నిమజ్జనం చూడటం  భలే సారదాగా
వుంటుంది . ప్రతి సారీ  నిమజ్జనానికి  ముందు ఏదోఒక రోజు   అలా  ఒకరౌండ్  కొట్టి రావడం అలవాటు కనుక
ఈసారి కూడా  వెళ్ళాము .







ముందుగా  ''ఖైరతాబాద్  గణపతిని '' దర్శించుకుని , అక్కడ నించి నెక్లెస్ రోడ్ ,టాంక్ బండ్ మీదుగా తిరుగుతూ
ఫోటోలు తీసుకుంటూ , గణ పతికి  వీడ్కోలు  చెప్పాము . బూరలు  వుడుకుంటూ  నుదిటికి రిబ్బన్ కట్టుకుని
చిన్నపిల్లలు  నుండి  పెద్దవాళ్ళవరకు  ఎవరికీ తోచిన వాహనాల్లో వాళ్ళు ,  వాళ్ళవాళ్ళ గణపతులు తెచ్చి
నిమజ్జనం చేస్తున్నారు ,ప్రసాదాలు పంచుతున్నారు . ఎక్కువగా ఆడవాళ్ళు వుండడం  ఒకవిశేషం .









అసలు పండుగ విశేషం ,విధానం గురించి వింటే ఆశ్చర్యం వేస్తుంది . కేవలం  చెరువు దగ్గర దొరికే  మట్టి మాత్రం
తెచ్చి  వినాయకుణ్ణి  చేయ్యాలట . అదికూడా  ముందురోజు , విగ్రహం ఆరాలి కదా మరి ! తర్వాతి రోజు పొద్దున్నే
లేచి స్నానాదికాలు  కానిచ్చి ,పత్రికోసం వెళ్ళా లట , ఇరవై ఒక్క రకాల ఆకులు వాటి కాయలు తేవడంతో పాటు
ఆయా చెట్ల  నించి వచ్చే గాలులు , ఔషద గుణాలు ,మన లోపల వుండే చిన్ని చిన్ని రుగ్మతలు నయం చేస్తాయి.
మూడురోజులు  పత్రిపుష్పాలతో  పూజించడం వల్లవాటి  పేర్లు తెలిసే అవకాశం వుంది . ఈపండుగ  పేరు చెప్పి
చిన్న చిన్నమనస్ఫర్దలు ,బందువులతో కాని ఇరుగు పొరుగు వారితో కాని   వుంటే తొలగిపోయి ఐక్యం గా
ఉంటాము  . ఇంతే కాదు  విగ్రహాన్ని, దానితోపాటు ప్రత్తిని  చెరువు లో  నిమజ్జనం  చెయ్యడం వల్ల నీళ్ళలోని
కాలుష్యం కూడా కూడా కరిగిపోతుంది . పూర్వం  చెరువు నీళ్ళేగా అన్నిటికి ఆధారం . ఆవిధంగా ఈపండుగతో
ఎన్నో ఉపయోగాలు పొందేవారు .అలాంటి పండుగ కాస్తా  కాల క్రమేణా  మార్పులు చెందుతూ ,ప్లాస్టర్ ఆఫ్ పారిస్  విగ్రహాలు ,మార్కెట్లోని గడ్డి గా మారింది ,  విగ్రహాలు వాటికి వేసే రంగుల వల్ల కూడా ఊపిరి తిత్తుల
వ్యాధులు ,కిడ్ని సమస్యలు ,నిమజ్జనం వల్ల  విషతుల్యం అవుతున్న చెరువులు ?! . చదువుకున్న వాళ్ళు
ఎక్కువమంది  ఉన్న ప్రస్తుత కాలం కన్నా పాతవాళ్ళకే  పర్యావరణం గురించి ఎక్కువ తెలుసన్నమాట ?!!!!!.


  1.                    *****************************************

Thursday, September 17, 2015

వినాయకచవితి శుభాకాంక్షలు ......

 అందరికి  గణేష్ చతుర్ధి  శుభాకాంక్షలు  .... 



























Thursday, September 10, 2015

చిన్ని చిన్ని ''ఛీ '' టింగులు ....





1. ఉన్నట్టుండి  మనకి మెయిల్ వస్తుంది ,మూడు వందల కి ఫోన్ అని . ఓపెన్ చేసి చూస్తాం . మనసులో ఏమూలో  ఉంటుంది సందేహం ,ఫోనా ,ఫోన్ కవరా  అని ? ఫోన్ మూడు వందలు కానీ డెలివరీ ఛార్జ్ తొమ్మిది
 వేలు ఉంటుంది .  లేదా ఫేక్  [తప్పుడు ] వెబ్ సైట్  అయి ఉంటుంది .లేదా ఆ మెయిల్ ఓపన్ చెయ్యడం
 వల్ల వైరెస్  అన్నా  వచ్చి వుంటుంది .


2. బుధవారం నాడు సస్తా బజార్ అని పెడతారు . మనం పరుగు లు పెడతాం . కిలో చక్కరకి మూడు రూపాయిలు
 తగ్గింపు ,చటాక్  పంచదార  మాయం .దగ్గర దగ్గర 50 గ్రాములు  తక్కువుంటుంది తూకానికి .  దీనికోసంపోయి
బండి దొర్లించుకుంటూ  అక్కర  లేని వన్నికొనుక్కొ స్తాము .   కావాలంటే మీరే చెక్  చేసి చూడండి  . మన లిస్టు  మించి పది  వస్తువులన్నా  ఎక్కువుంటాయి .



3. ఇంతోటి మొహానికి వీసీ  యాబలం పసుపు అని సామెత , వాళ్ళ షాపు పేరు ముద్రించి వున్న కవర్  మనం
        డబ్బులు ఇచ్చి కొనడం? . బాస్మతి అయితే ముక్క వాసన ....!!  మన  పెట్టుబడి  అంతా వృధా ....



4. మీ ఫోన్ కి మెసేజ్ వస్తుంది . వందకి రీఛార్జి చేయండి ,నూటపది రూపాయిలు పొందండి . ముందు వంద వస్తుంది   తరువాత పది రూపాయిలు మెల్లగా వస్తుంది  అని . నా బొంద వస్తుంది . ఆ పది కోసం పది సార్లు కాల్ చేసి ఇరవై     రూపాయిలు వదల కోట్టుకునేవారు ఉన్నారు .



5. ఎవరో ఫోన్ చేసి నాకు క్లబ్ లో మెంబెర్షిప్ కార్డు ఫ్రీ అని , మరెవరో చేసి స్థలం అతి తక్కువలో ఎలాట్ అయిందని మిగతా డబ్బులు తెచ్చేసి  రిజిస్ట్రేషన్ చేసుకోమంటాడు . నాకు వొళ్ళు మండి , నా బ్రదర్  ఫలాన  ఛానల్ లో పని చేస్తున్నాడని , తనతో మాట్లాడి ఇద్దరం కలిసి వస్తామని చెప్పాను  . అంతే చుప్ .మళ్లీ ఫోన్  రాలా ...


6.  ఒక పూజారి మీకు ఇ ప్పుడు కష్టకాలం నడుస్తుంది , మీరు ఒక పని చేయండి , గుడిలో ఒక యజ్ఞం చేస్తాను  పలానా కర్రల తో పందిరి వేస్తారు . నాలుగు పక్కల నలుగురు కూర్చొని దిక్కులకి పూజ చేస్తాము . మన శని వదిలివెళ్లి పోతుందిఅంటాడు . సరే ఎంతయ్యా  ఖర్చు అంటే పాతిక వేలు మాత్రమే అంటాడు . అసలే గడ్డుకాలం అంటే  అంత డబ్బు ఎలా  తెస్తారు? . దిక్కు లేని వాడికి దేవుడే దిక్కు .


7. పలానా టకటకా బ్యాంకు నించి  మాట్లాడుతున్నాం  అంటూ మధ్యాన్నం  పూట ఫోన్ చేసి మీ డబ్బు మా బ్యాంకు లో నే దాచాలి వడ్డీ  ఎక్కువ  అంటూ విసిగిస్తారు . కొన్ని  సార్లు చూసి మీ బ్యాంకు లో నే ఉంది మా ఎకౌంటు అని చెప్పి వదిలించుకున్నా...............[ఏదో మతలబు లేనిదే ఫోన్ చేసి మరీ అడుక్కుంటారంటారా ]


8. కూరగాయల ధరలు పేపరు లో ఒక ధరలు వేస్తారు , రైతు బజార్ లో ఒక ధర ఉంటుంది .ఎవరిని  అడగాలి ?


9. అమ్మ సెంటిమెంట్ తో మనల్ని సబ్సిడీ సిలిండర్ వదులు కోమంటారు , సెలబ్రిటీస్  కి కూడా సబ్సిడీ సిలిండర్          సప్లై చేస్తారు . పాపం వాళ్ళు   మనకన్నా బీదవాళ్ళు కదా  మరి ...........


10. సిగిరెట్ నిషేధించారని  ఆరు బయట కాలిస్తే  జరిమానా అన్నారు ,ఎవరు వేస్తున్నారు ? ఎవరికీ వేస్తున్నారు .
   జరిమానా ? యధా ప్రకారం  స్వేచ్చగా ఊదుతూ  వెళ్తున్నారు .

11.  ఒక షాంపూ  ప్రకటన లో  ఎనిమిది  వారాలు  నాకివ్వు ,ఎనిమిది  సెంటిమీటర్లు జుట్టు నీకిస్తా  అంటారు .
   నాకు తెలిసి  బ్రతికున్న వాళ్ళ కెవరికన్నా ,ఏమి వాడినా వాడకున్నా ,ఎనిమిది సెంటిమీటర్లు  జుత్తు
   పెరుగుతుంది . వాళ్ళిచ్చేదేమిటో ...........

12.   మరొక  తలనూనె  ప్రకటనలో నూనె  రాసుకున్నాక  చేతులు శుభ్ర పరచుకోండి లేకపోతే  చేతులకు
     జుట్టు వచ్చే   ప్రమాద ముంది అనివేస్తారు  నాకు నవ్వాలో ఏడవాలో  అర్ధం కాదు .

13. మరొక  షాంపూ తో తలస్నానం చేస్తే జుట్టు వత్తు గా పెరుగుతుందట ,మహావుంటే షాంపూ మన తల మీద
     రెండు నిముషాలు వుంటుంది . అంతదానికే ఎలా పెరుగుతుందబ్బా ??????????????

14. ఇక అందరికీ తెలిసిన దే  పిల్లలున్నా కాలేజ్ఏజ్  లా  కనపడే సబ్బు  , రాస్తే పెళ్లి కుదిరి పోయే క్రీము,
      ఆ ట్యూబ్ లో వచ్చే క్రీమ్ రాసుకుంటే  తెల్లగా  మారిపోవడం ,నాఫ్రెండ్ చెప్తుంది  ఒక లారి ట్యూబ్స్ వాడి                      వుంటాను ఏ మార్పు లేదు అని ??!!!!!

    ఇవన్నీ మచ్చుకి  కొన్ని మాత్రమే , ఇంకా  మన దృష్టికి  రాని వెన్నో , వచ్చినా ''' రాయలేనివెన్నో ...''.


                          **********************************


Thursday, September 3, 2015

పేరంటం





పేరంటం  లో  పాటించవలసినవి  కొన్ని పద్దతులు ఉంటాయని  నేను  అనుకుంటున్నాను . పూజలు ,వ్రతాలూ
లాంటివి  నాకుచాలా ఇష్టం . చక్కగా ఆచరిస్తుంటాను . ఆ అనుభవం తో కొన్ని విషయాలు  ప్రస్తావించవచ్చు
అనుకుంటున్నాను . ముఖ్యం గా ఇలాంటివి వ్రతాలు చేస్తున్నపుడు ముందురోజే అందరిని   పిలుచు కోవడం మంచిది . అంతేకాదు ఇంటి పనులు కూడా ముందురోజు ముగించి  , విశ్రాంతి తీసుకోవడం చాలా అవసరం .
పూజ  ముగిసిన తర్వాత ,మధ్యానమే వచ్చిన  వారికి  ఇవ్వ వలసిన తాంబూలం [పసుపు బొట్టు ]సిద్దం
చేసుకోవాలి   అంతే కాని వచ్చిన వాళ్ళని  కూర్చో బెట్టి ,ఆ గదిలో  తమల పాకులు  ఈ గదిలో వక్కపొడి ,
పసుపు కుంకుమ  పేకేట్స్ ,అంటూ తిరుగుతూ  వచ్చిన వాళ్ళ సమయం వృధా  చేయడం సరికాదు ,ముందే
అన్నీ సిద్దం చేసి పెట్టుకోవాలి . అన్నీ సిద్దం గా వుంటే  చక చకా  అందించేయొచ్చు . పేరంటం అనేది కేవలం
వాయనాలు ఇచ్చి పుచ్చు కోవడాని కే తప్ప , వేరేఅనవసర  విషయాలు చెప్పుకునే సందర్భం కాదని గుర్తించాలి .
వాళ్ళూ  కొంతమంది ని  పిలుచుకొని వుంటారు . త్వరగా వెళ్ళవలసి వుంటుంది . లేదా మనం  కొందరిని పిలిచిన
విషయం మర్చి పోయి , వేరే వాళ్ళ ఇంటికి వెళ్లి  అక్కడే కబుర్లాడుతూ  కూచోడం సరికాదు . ఇంటికి వచ్చిన వాళ్ళు , ఎంతసేపు ఎదురు చూస్తుంటారు ?  ''నేను వేరే వాళ్ళ ఇంట్లో వున్నానండి టైం పడుతుంది  మా అమ్మాయి ఇస్తుంది ,
లేదా పనమ్మాయి  ఇస్తుంది , అని సెల్ పోన్ లో చెప్పడం మర్యాద కాదు . అంతగా తరగని కబుర్లు వుంటే తీరికగా
మరోసారి వెళ్ళాలి . కొంత మంది సమయం చెప్పరు , ఉదయమా , సాయంత్రమా , అన్నది వివరంగా  చెప్పాలి .


పిలవాడనికని  ఒకరింటికి వెళ్తే ,వాచిన కళ్ళతో లేచివచ్చింది . ఏమైంది  అంటే  వ్రతం చేసుకోవడానికి  భర్త
బంగారం కొనివ్వలేదట . చేసేదే  వాళ్లక్షేమం కోసం . కొనివ్వకుండా ఉంటారా ! భార్య నగలేసుకుని  పక్కన
నించుంటే వాళ్ళకే గా  గౌరవం ? అలాంటప్పుడు ఏమాత్రం వీలు కుదిరినా  కొనిస్తారు . దానికోసం ఏడ్వాల్సిన
పనిలేదు .   సంతోషం గా భర్త ఆరోగ్యం , సౌభాగ్యం  కోసం చేసే పూజ ఇది . ఎవరిని పీడించకుండా ,ఉన్న దాంట్లో తృప్తిగాచేసుకుంటే చాలు . చెయ్యకపోయినా ఫర్వాలేదు కాని ,శ్రావణ శుక్రవారం  మంచానికి అడ్డం పడి
 ఏడవకుండావుంటే చాలు , మగవాళ్లకి అదే పదివేలు .




కావలసిన  వాటికంటే ఐదు  ఆరు  వాయనాలు  ఎక్కువే తాయారు చేసుకోవాలి . పిలవకున్నా పక్కవారి తో
వచ్చే వాళ్ళుంటారు . కాదనకుండా  సంతోషం గా  ఇచ్చే అలవాటు చేసుకోవాలి . ఇవన్నీ ఎవరికీ తెలియనివి
 కాదు కాని ,  మరోసారి  మాట్లాడుకోవడం  లో తప్పు లేదుగా ! పైగా కొత్తగా చేసే వారికి ఉపయోగం .పూర్వం
 నోము నోచుకుని  వాయనాలు ఒక బుట్టలో సర్దుకుని  సాయంత్ర ఇంటికి వెళ్లి మరీ ఇచ్చి వచ్చే వారట,  అదీ
వారి శాఖ లోనే  అయ్యి వుండాలి ,నోము తీర్చుకున్న వాళ్ళు అయి వుండాలి . అంటే పెళ్ళైన కొత్తలోనే
నోము పట్టి ఐదు సంత్సరాలు ఏ ఆటంకము లేకుండా తీర్చుకున్న వాళ్లకు ఇవ్వాలట అలాంటి వారికోసం
వెదికి  మరీ ఇచ్చి వచ్చే వారు . ఇప్పుడు ప్రేమ వివాహాల పుణ్యమా అని  లోకమంతా వసుధైక కుటుంబం
అయింది . ఇక  నోములకి , వాయనాలకి  ఓపిక  తీరిక ఎవరికీ  లేదు . గట్టిగా అడిగితె ఆరోజుల్లో  స్త్రీలకి
ఇదే కాలక్షేపం  కనుక '' కమ్యునికేషన్ ''కోసం  చేసేవారు అంటున్నారు . ఇప్పటి వారికి ఆ అవసరం లేదట ?!

                                        *****************************